తెలుగు సుద్దులు - వేమన పద్యములు (తెలుగు - ఇ కూటమిలో పెట్టబడినవి) - 129

తెలుగు సుద్దులు…..(129)

క||ఇచ్చే వారల సంపద

     హెచ్చేదే`కాని లేమి యేలా కలుగున్

       అచ్చెలమ నీళ్లు చల్లిన

       విచ్చలవిడి నూ`రుచుండు వినరా వేమా!.                  

భావముః

ఇతరులకు తమ సంపదను పంచేవారి (దాత) సంపద పెరుగుతుందేకాని, తరిగిపోదు – వారిదగ్గరకు దారిద్ర్యం దరిచేరదు. వేమన దీనిని చక్కటి ఉపమానంతో మనకు అవగాహనకల్గిస్తున్నారు.  నీటిచెలమలో నీరు తోడి బయటకు పోసేకొద్ది, స్వచ్ఛమైన మంచినీరు ఊరుతుంటుంది. లోభత్వం వల్ల ప్రయోజనం లేదు, దాతృత్వము వల్ల సంపద పెరుగుతూనే ఉంటుందని గ్రహించి దానశీలత కలిగియుండవలని హితవుపలుకుతున్నారు. ||01-01-2015||