తెలుగు సుద్దులు - వేమన పద్యములు (తెలుగు - ఇ కూటమిలో పెట్టబడినవి)-113

తెలుగు సుద్దులు…..(113)

               

కం||తను వలచిన దా వలచును

     తను వలవక యున్న దన్ను దా వలవడి`లం

     తనదు పటాటోపంబులు              

     తన మాయలు పనికిరావు ధరలో వేమా!.         

భావముః

ఎవరైనా ఎదుటవారిని (ఇతరులను) అభిమానిస్తే, ఆదరిస్తే, ప్రేమిస్తే, వారు తిరిగి అభిమానిస్తారు. ఈ ప్రపంచంలో తను ఇతరులను అభిమానించకపోతే వారు తనని అభిమానించరు. కేవలము తన డాబు, దర్పము, హంగామా, అనవసర ఆడంబరము ఎంత చూపినా (ప్రదర్శించినా), ఆర్భాటం చేసినా, అభిమానము పొందలేరు. తన వలే ప్రపంచము కూడా (ఇతరులూ) ఉంటుంది కనుక తన మాయలు ఏవీ ఉపయోగించవు. కనుక ప్రేమించబడాలంటే ప్రేమించడం నేర్చుకో ఓ మానవా అని వేమన హితవు పలుకుతున్నారు.

అంతేకాకుండా, భగవంతుని అనుగ్రహము, దయ, ప్రేమ పొందాలంటే ఆడంబర పూజాపునస్కారాలు, క్రతువులు కాదు హృదయపూర్వక ఆర్తితో కూడిన భక్తి (ప్రేమ, ఆరాధన, సమర్పణ) అవసరమని కూడా బోధిస్తున్నట్లున్నది.

||25-11-2014||