తెలుగు సుద్దులు - వేమన పద్యములు (తెలుగు - ఇ కూటమిలో పెట్టబడినవి) -154

తెలుగు సుద్దులు…..(154)

ఆ.వె॥అల్ప సుఖము లె`ల్ల నా`శించి మనుజుండు

       బహుళ దుఃఖములను బాధపడును; 

       పర సుఖంబు నొంది బ్రతుకంగ నేరడు

       విశ్వదాభిరామ వినర వేమా!.

భావముః                  

మానవుడు తాత్కాలికములు, అల్పములు అయిన ప్రాపంచిక(లౌకిక,ఐహిక) సుఖములు, భోగముల గురించి అనేకానేక కష్టములు, బాధలు పడుతుంటాడు; అవి తను అనుకున్న విధంగా లభించనపుడు విపరీతమైన వ్యాకులత, దుఃఖము పొందుతుంటాడు.  కాని, పరమాత్మ సన్నిధిలో లభించే నిజమైన, శాశ్వతమైన పారలోకికాను సుఖము, ఆనందమును (మోక్షము) పొందేదాని గురించి ఆలోచింఛడు, ఆ మార్గములో జీవితాన్ని గడపడం తెలియడు కదా అని వేమన మానవుని ప్రాపంచిక స్వాభావికతను తెలియజెప్పుచూ; ప్రాపంచిక సుఖములకు వెంపర్లాడక, పరమాత్మ (పరబ్రహ్మ)ను గురించి తెలుసుకొని, అపూర్వమైన మానవ జన్మతకు సార్థకత కలిగించుకొనమని ఒక యోగిగా హితవూ పలుకుతున్నారు. ||03-03-2015||