యుధిష్ఠిర దుర్గాదేవి స్తుతి

యుధిష్ఠిర దుర్గాదేవి స్తుతి

యశోదాగర్భసంభూతాం నారాయణవరప్రియామ్

నందగోపకులే జాతాం మంగళ్యాం కులవర్ధినీమ్

కంసవిద్రావణకరీం అసురాణాం క్షయంకరీమ్

శిలాతటవినిక్షిప్తాం ఆకాశంప్రతి గామినీమ్

వాసుదేవస్య భగినీం దివ్యమాల్యవిభూషితామ్

దివ్యాంబరధరాం దేవీం ఖడ్గఖేటకధారిణీమ్

భారావతరణే పుణ్యే యే స్మరంతి సదాశివామ్

తాన్ వై తారయసే పాపాత్ పంకే గామివ దుర్భలామ్

స్తోతుం ప్రచక్రమే భూయో వివిధైః స్తోత్రసంభవైః

ఆమంత్ర్య దర్శనాకాంక్షీ రాజా దేవీం సహానుజః

నమో≈స్తు వరదే కృష్ణే కుమారి బ్రహ్మచారిణి

బాలార్కసదృశాకారే పూర్ణచంద్రనిభాననే

చతుర్భుజే చతుర్వక్త్రే పీనశ్రోణిపయోధరే

మయూరపింఛవలయే కేయూరాంగదధారిణి

భాసి దేవి యథా పద్మ నారాయణపరిగ్రహః

స్వరూపం బ్రహ్మచర్యం చవిశదం గగనేశ్వరీ

కృష్ణచ్ఛవిసమా కృష్ణా సంకర్షణ సమాననా

బిభ్రతీ విపులౌ బాహూ శక్రధ్వజసముచ్ఛ్రయౌ

పాత్రీ చపంకజీ ఘంటీ స్త్రీవిశుద్ధా చయా భువి 

పాశం ధనుర్మహాచక్రం వివిధాన్యాయుధాని చ

కుండలాభ్యాం సుపూర్ణాభ్యాం కర్ణాభ్యాంచ విభూషితా

చంద్రవిస్పర్థినా దేవి ముఖేన త్వం విరాజసే

ముకుటేన విచిత్రేణ కేశబంధేన శోభినా

భుజంగభోగవాసేన శ్రోణిసూత్రేణ రాజతా

విభ్రాజసే చాబద్ధేన భోగేనేవేహ మందరః

ధ్వజేన శిఖిపింఛానామ్ ఉచ్ఛి్రతేన విరాజసే

కౌమారం వ్రతమాస్థాయ త్రిదివం పావితం త్వయా

తేన త్వం స్తూయాసే దేవి త్రిదశైః పూజ్యసే≈పి చ

త్రైలోక్యరక్షణార్థాయ మహిషాసురనాశిని

ప్రసన్నా మే సురశ్రేష్ఠే దయాం కురు శివా భవ

జయా త్వం విజయా చైవ సంగ్రామే చ జయప్రదా

మమాపి విజయం దేహి వరదా త్వం చ సాంప్రతమ్

వింధ్యే చైవ నగశ్రేష్ఠే తవ స్థానం హి శాశ్వతమ్

కాళి కాళి మహాకాళి ఖడ్గఖట్వాంగధారిణి

కృతానుయాత్రా భూతైస్వం వరదా కామచారిణీ

భారావతారే యే చ త్వాం సంస్మరిష్యంతి మానవాః

ప్రణమంతి చ యే త్వాం హి ప్రభాతే తు నరా భువి

న తేషాం దుర్లభం కించిత్ పుత్రతో ధనతో≈పి వా

దుర్గాత్ తారయసే దుర్గే తత్ త్వం దుర్గా స్మృతా జనైః

కాంతారేష్వవసన్నానం మగ్నానాం చ మహార్ణవే

దస్యుభిర్వా నిరుద్ధానాం త్వం గతిః పరమా నృణామ్

జలప్రతరణే చైవ కాంతారేష్వటవీషు చ

యే స్మరంతి మహాదేవి న చ సీదంతి తే నరాః

త్వం కీర్తిః శ్రీః ధృతిః సిద్ధిః హ్రీః విద్యా సంతతిర్మతిః

సంధ్యారాత్రిః ప్రభా నిద్రా జ్యోత్సనా కాంతిః క్షమా దయా

నృణాంచ బంధనం మోహం పుత్రనాశం ధనక్షయమ్

వ్యాధిం మృత్యుం భయం చైవ పూజితా నాశయిష్యసి

సోహం రాజ్యాత్ పరిభ్రష్టఃశరణం త్వాం ప్రపన్నవాన్

ప్రణతశ్చ యథా మూర్ధనా తవ దేవి సురేశ్వరి

త్రాహి మాం పద్మపత్రాక్షి సత్యే సత్యా భవస్వ నః

శరణం భవ మే దుర్గే శరణ్యే భక్తవత్సలే

ఏవం స్తుతా హి సా దేవి దర్శయామాస పాండవమ్

ఉపాగమ్య తు రాజానమ్ ఇదం వచనమబ్రవీత్

[వ్యాస విరచిత శ్రీమహాభారతము - విరాటపర్వము - ఆరవ అధ్యాయం]